Lidhje

Presidenti Ivanov, thirrje kundër marrëveshjes së Prespës


Fjalimi i fundvitit i presidentit maqedonas, Ivanov
please wait

No media source currently available

0:00 0:02:11 0:00

Fjalimi i fundvitit i presidentit maqedonas, Ivanov

Presidenti maqedonas Gjorgje Ivanov në fjalimin e fundvitit në parlament, që njëkohësisht është dhe fjalimi i tij i fundit para ligjvënësve, theksoi mospajtimin me marrëveshjen e Prespës për ndryshimin e emrit të Maqedonisë; u shpreh kundër ligjit për gjuhën shqipe, ndërsa bëri një numër kritikash në adresë të qeverisë.

Presidenti maqedon Gjorgje Ivanov në fjalimin e fundvitit para deputetëve në parlament përsëriti qëndrimet e njohura mbi zhvillimet politike në vend, ndërsa la të kuptohej se ai dhe familja e tij po përgjoheshin nga shërbimi sekret.

Ai u bëri thirrje ligjvënësve që ta hedhin poshtë Marrëveshjen e Prespës duke mos votuar ndryshimet e pritshme kushtetuese, të cilat megjithatë janë kushti kryesor për përparimin e Maqedonisë drejt integrimeve në Nato dhe BE.

Çështja e emrit dhe identitetit, shtoi ai, është më e vjetër se çdo Kushtetutë, se çdo qeveri, çdo parti dhe çdo president. Është me vjetër se edhe vetë shteti, sipas presdentit Ivanov, i cili u shpreh se asnjë individ dhe asnjë gjeneratë nuk ka të drejtë të bëjë pazare me emrin dhe identitetin maqedonas.

Në lidhje me amnistinë e fundit që miratoi parlamenti, zoti Ivanov tëroqi një krahsaim duke thënë se dallimi midis faljeve që kishte bërë ai dhe amnistisë së tashmë lidhur me dhunën e vitit të kaluar në parlament është tek synimet. Synimi i tij kishte qenë pajtimi përmes faljes, ndërsa tash pushteti synonte që të sigurojë mbështetje e ndryshimet kushtetuese përmes kërcënimeve ndaj ligjvënësve për t’i votuar këto ndryshime. Ai kishte për qëllim pengimin e kasoit ndërsa shmica e tashme parlamentare e çonte vendin drejt kaosit, siç u shpreh.

Duke folur për ligjin e gjuhëve, i cili parasheh një shtrirje të gjerë të përdorimit të shqipes, zoti Ivanov tha se ligji e shkel Kushtetutën dhe se është sjellë jashta procedurave. Ai do ta bllokojë shtetin, sipas presidentit maqedon.

Deputetët shqiptarë nuk ishin të pranishëm në sallë për ta dëgjuar fjalimin e fundit të Gjorgje Ivanovit si president. Atij i përfundon mandati në fillim të muajit maj. Presidenca dhjetëvjeçare e tij shënoi një sërë përplasjesh jo vetëm me shqiptarët dhe eksponentët e tyre politik, ndonëse këta të fundit i kishin ndihmuar të qëndrojë dy mandate në postin më të lartë të shtetit, por dhe me Lidhjen Social Demokrate sa ishte në opozitë dhe tani në pushtet.

Facebook Forum

XS
SM
MD
LG