Maqedoni: Bashkimi i Kërçovës me komuna të tjera

Komuna e Kërçovës në perëndim të Maqedonisë, pritet të bashkohet me disa komuna gjatë zgjedhjeve vendore vitin që vjen. Ky veprim do të bëjë që shqiptarët atje të bëhen shumicë. Partitë politike qysh tash kanë hyrë në një fushatë, ndërkohë që opozita maqedonase është shprehur e gatshme ta mbështesë kandidatin maqedonas për prefekt të partisë VMRO në pushtet. Ndërkaq, partia Bashkimi Demokratik për Integrim pritet të dalë e vetme në këto zgjedhje; por shumë votues shqiptarë të kësaj zone ndodhen me punë jashtë vendit, të cilët vështirë se mund të kthehen vetëm se për të votuar.