Pas ndalimit të djeshëm të njëzet personave në Shkup, organet hetuese po vazhdojnë t’i marrin ata në pyetje për të ndriçuar rastin e vrasjes së pesë personave para dy javësh në rrethinat e Shkupit. Ministrja maqedonase e rendit ka thënë se në mesin e të arrestuarve ndodhen edhe autorët e vrasjeve dhe se ata kishin luftuar në Pakistan dhe në Afganistan në radhët e talebanëve kundër Natos. Ndalimet janë bërë në lagje të Shkupit të banuara nga shqiptarë.