Lidhje

Presidenti bie pre e rrengut të humoristit


Humoristi John Melendez
Humoristi John Melendez

Një humorist amerikan ka marrë për shaka në telefon Shtëpinë e Bardhë dhe brenda dy orësh Presidenti Trump i ka kthyer telefonatën nga avioni presidencial.

Komediani John Melendez, iu prezantua punonjësve të Shtëpisë së Bardhë që kapën telefonin si Senatori Bob Menendez, një politikan demokrat nga Nju Xhërsi.

Melendez, i cili ka një podcast me transmetime, tha se kishte folur rreth tre minuta me presidentin, pa i treguar atij identitetin e vërtetë.

Humoristi tha se ka biseduar rreth 20 herë të tjera me presidentin dhe çuditet që presidenti nuk e kuptoi kush ishte nga zëri dhe dialekti njujorkez.

Ai e kishte regjistruar bisedën e fundit. Në regjistrim presidenti, i cili mendon se po bisedon me Senatorin Menendez, e uron senatorin që u shpall i pafajshëm në një proces gjyqësor nën dyshimet për mitmarrje.

Po ashtu presidenti flet për bashkëpunim për ligje mbi imigracionin. Humoristi i përgjigjet “Unë jam hispanik”.

Një zëdhënës i Shtëpisë së Bardhë reagoi duke u shprehur se “presidenti do të mbajë linja të hapura” me anëtarët e Kongresit dhe nganjëherë ndodhin ngatërresa të tilla.

Facebook Forum

XS
SM
MD
LG