Këshilli Kombëtar Shqiptaro-Amerikan dënon me forcë dhunën e ushtruar gjatë demonstratave në Shqipëri. “Ne u shprehim ngushëllimet tona familjeve të viktimave që humbën jetën tragjikisht dhe lutemi për shpëtimin dhe përmirësimin e gjendjes së të plagosurve”, thuhet në një deklaratë për shtyp të NAAC-ut.
“Si shtetas të një vendi demokratik, populli i Shqipërisë ka të drejtën të demonstrojë, megjithatë përdorimi i dhunës është i papranueshëm dhe në asnjë mënyrë i justifikuar”, thuhet më tej në deklaratën e NAAC-ut. “Ne u bëjmë thirrje institucioneve juridike shqiptare të ndërmarrin hetime të menjëherëshme për incidentin dhe të zbatojnë plotësisht ligjin”.
“Ne i bëjmë thirrje popullit shqiptar të ruajë qetësinë dhe të shmangë veprime të mëtejshme dhune apo provokime. Po ashtu, ne u bëjmë thirrje institucioneve të qeverisë shqiptare të ushtrojnë funksionet e tyre udhëheqëse dhe të mbrojnë qytetarët gjatë kësaj krize”, përfundon deklarata e Këshillit Kombëtar Shqiptaro-Amerikan.