Në Maqedoni po zhvillohen debate publike në lidhje me ndryshimet kushtetuese të cilat do t'i realizojë qeveria e drejtuar nga partia VMRO-DPMNE. Por, këto ndryshime nuk parashikojnë rregullimin e çështjeve të rëndësishme për shqiptarët, që po i bëjnë thirrje Bashkimit Demokratik për Integrim që të mos i votojë. Partia e kryeministrit maqedonas, nga ana tjetër, vlerëson se nëse hapen çështje që prekin interesa etnike, atëherë ndryshimet kushtetuese do të nxisnin një "kuti të Pandorës".