Presidenti i Shqipërisë, Bujar Nishani, ishte sot në Katedralen Nënë Tereza, në bashkinë e Vau Dejës, ku nderoi me titullin "Nënë Tereza" Ipeshkivin e Sapës, monsinjor Luçiano Avgustin. Duke folur përpara besimtarëve, Presidenti Nishani vlerësoi tolerencën dhe harmoninë ndërfetare, me të cilat, tha ai, shqiptarët do të presin Papa Françeskun, në shtator të këtij viti.
