Presidenti amerikan Barak Obama tha se përmirësimi i ekonomisë do të dojë vite, duke e quajtur atë një proces afatgjatë.
Në një intervistë të transmetuar sot, zoti Obama tha se problemet strukturore në ekonomi janë ndërtuar për dy dekada. Ai tha se riparimi i tyre do të dojë më shumë kohë sesa një mandat në detyrë dhe ndoshta më shumë se një president.
Ekonomia amerikane vazhdon të tregojë shenja përmirësimi me nivelin e papunësisë që ra nga 9 në 8 presje 6 përqind. Por megjithatë ajo është shumë më e lartë nga niveli normal prej katër apo 5 përqindësh.
Niveli i papunësisë shihet si një faktor kryesor në shanset e zotit Obama për t’u rizgjedhur për një mandat të dytë.
