Lidhje

OSBE dhe hapja e dosjeve të Sigurimit të Shtetit


OSBE i nxiti sot sërish institucionet shtetërore dhe shqërinë civile shqiptare të bashkëpunojnë për të ndriçuar të kaluarën komuniste, për ta rikujtuar diktaturën dhe për ta kuptuar sa më thellë atë.

Shqiperi, ndricimi i krimeve
please wait

No media source currently available

0:00 0:03:58 0:00

Zyra e OSBE-së në Shqipëri dhe Avokati i Popullit organizuan sot një tryezë të rrumbullakët, ku u diskutua me shqetësim për boshllëkun i informacionit të krijuar mes brezave mbi të kaluarën komuniste.

Përfaqësuesi i OSBE-së në Shqipëri, Florian Raunig, tha se brezat e rinj nuk kanë aspak informacion mbi diktaturën komuniste dhe, pasi shumë fakte harrohen, nis instrumentalizimi i të kaluarës në kohën e demokracisë.

Ambasadori Raunig tha se keqpërdorimi i kësaj çështje ndodh sepse mungon kultura e kujtesës, prandaj shkatërrohen dhe lihen pas dore burgjet dhe vendeve të vuajtjes së dënimit në diktaturë.

Ndërsa Avokati i Popullit Igli Totozani tha se javën tjetër do të dorëzojë në parlament rekomandimin për një ligj mbi lustracionin.

Ambasadori gjerman në Shqipëri Helmut Hofman tha se edhe Gjermania nuk e pati të lehtë të hapte dosjet e shërbimit sekret komunist, por për të mbyllur atë epokë u bë një ligj për hapjen e dosjeve, pas një debati të gjatë.

Edhe Shqipëria po has vështirësi të mëdha në përballimin e të kaluarës komuniste, tha ai.

Pjesëmarrësit, anëtarë qeverie, Avokati i popullit, instituti i Krimeve të Komunizmit, instituti i të përndjekurve politikë dhe diplomatë nga vende të BE diskutuan mbi nismat e deritanishme për të trajtuar trashëgiminë e komunizmit në Shqipëri, bashkëpunimin më të mirë institucionet shtetërore dhe shoqëria civile dhe si duhet të përfshihen të rinjtë në këtë proces.


Mendimi juaj

Trego komentet

XS
SM
MD
LG