Ministri i brendshëm gjerman tha se paketa e dyshimtë e gjetur këtë javë në aeroportin e Namibisë ishte një pajisje provë për të testuar masat e sigurisë.
Thomas de Mazier tha se çanta – prodhim i një kompanie amerikane - nuk kishte eksplozivë dhe nuk përbënte kërcënim për pasagjerët.
Ministri tha se nuk ka informacion se kush ishte pas provës së sigurisë. Prokurorët po përpiqen të përcaktojnë kush e ka vendosur pajisjen në bagazhin e nisur për në Mynih. Ai tha se nuk ka të ngjarë që ajo të ishte pjesë e ndonjë prove të sigurimit gjerman.
Prodhuesi amerikan i paisjes tha se valixhja duhet të jetë ndarë nga pronari i saj. Leri Kopelo, që drejton kompaninë i tha Zërit të Amerikës sot se nuk kishte ide se si paisja kishte përfunduar në valixhe që shkonte në Mynih.