Në Kosovë, kryesia e Parlamentit pritet që sot paradite të shqyrtojë kërkesën e përfaqësuesve të partive në koalicion për mbajtjen e një seance të jashtëzakonshme, ku do të votohet për presidentin dhe qeverinë e re të Kosovës. Zyrtarë të Partisë Demorkatike të Kosovës kanë bërë të ditur se është dorëzuar një kërkesë për seancë të jashtëzakonshme për ditën e sotme me qëllim, siç është thënë, krijimin e institucioneve të shtetit. Opozita, ndërkaq, është shprehur shumë kritike ndaj koalicionit të ri, të cilin ajo e ka cilësuar si qeveri të pakicës politike. Nga Prishtina njofton korrespodenti ynë, Leonat Shehu.