Përpjekje për mbrojtjen e Liqenit të Shkodrës nga ndotja

Sot paradite, të rinj të qytetit të Shkodrës, të mbështetur nga projekti i Bankës Botërore "Menaxhimi i Integruar i Ekosistemit të Liqenit të Shkodrës", morrën pjesë në një veprimtari sensibilizuese për pastrimin e këtij liqeni. Vitet e fundit, ekosistemi i liqenit të përbashkët të Shkodrës është dëmtuar nga ndotjet që shkaktohen si në anën shqiptare, ashtu edhe atë të Malit të Zi. Autoritetet e të dy vendeve pohojnë se po marrin masa për shmangjen e këtyre ndotjeve dhe se po bashkëpunojnë për mbrojtjen e vlerave dhe pasurive të përbashkëta të Liqenit të Shkodrës, i cili vlerësohet edhe si më i madhi në Ballkan.