Në Prishtinë, Drejtori i projektit për Ballkanin në Grupin Ndërkombëtar të Krizave, Marko Prelec, i bëri thirrje qeverisë që të mos pengojë hetimet për korrupsion por të ndërmarrë hapa për parandalimin e kësaj dukurie. Zoti Prelec paraqiti disa nga gjetjet e raportit të Grupit Krizave i cili ka bërë thirrje për forcimin e sundimit të ligjit në Kosovë si kusht për zhvillimin e saj dhe njohjen më të gjerë ndërkombëtare. Autoritetet nuk e kanë komentuar ende raportin, ndërsa analistët thonë se ai duhet të trajtohet seriozisht.