Siç është bërë traditë në Shtetet e Bashkuara çdo vit para ditës së Falenderimeve, edhe sot Presidenti Barak Obama fali dy gjela deti, duke i shpëtuar nga fati i gatimit për darkën tradicionale.
Në ceremoninë e mbajtur në Shtëpinë e Bardhë në prag të festës, zoti Obama i shpëtoi jetën një gjeli deti të quajtur Mollë, i cili së bashku me një gjel të dytë që u fal nga Presidenti do të jetojnë në një fermë pranë Uashingtonit.
Po sot Presidenti dhe familja e tij do të çojnë dy gjela deti tek një organizatë lokale që ndihmon për ushqimin dhe veshjen e atyre që janë në nevojë. Presidenti tha se gjesti i dhurimit, është në thelb kuptimi i festës së Falenderimeve.