Presidenti iranian Mahmud Ahmadinexhad ka pësuar një goditje të ndjeshme në balotazhin për zgjedhjet parlamentare që mund të ndikojë tek rezultati i zgjedhjeve presidenciale vitin e ardhshëm.
Rezultatet paraprake nga raundi i dytë i votimeve tregojnë mbështetje të fortë për udhëheqjen fetare të Iranit, përfshirë pasuesit e Udhëheqësit Suprem Ajatollahut Ali Khamenei.
Media shtetërore njoftoi sot se kundërshtarët e zotit Ahmadinexhad fituan 20 vende, krahasuar me 8 vende për mbështetësit e tij dhe 11 për kandidatët e pavarur. Sot votohej për 65 vende të parlamentit iranian me 290 vende.
Analistët thonë se marrëdhëniet mes zotit Ahmadinexhad dhe Ajatollahut Khamenei janë të tensionuara.