Presidenti Obama vazhdon fushatën treditore në Bregun Perëndimor

Presidenti amerikan Barak Obama po merr pjesë në një takim të hapur me popullatën që po mbahet në Silicon Valley të Kalifornisë, një zonë e njohur për përqendrimin e industrisë kompjuterikë.

Zoti Obama pranoi që të merrte pjesë në këtë takim i cili organizohet nga rrjeti profesionist Linkedln, për t’iu përgjigjur pyetjeve rreth planit të tij 450 miliard dollarësh, nga përdoruesit e rrjetit Likedln si dhe një audiencë e vendosur në një muzeum pranë qendrës së kësaj kompanie.

Presidenti po zhvillon fushatën e tij treditore në bregun perëndimor ku pritet që të mbledhë miliona dollarë donacione përpara së premtes, kur përfundon afati tre-mujor për mbledhjen e fondeve, që do të tregojë si krahasohet presidenti me rivalët republikanë në këto përpjekje.