Në Prishtinë, ka filluar edicioni i tretë me radhë i festivalit ndërkombëtarë të filmit në të cilin po marrin pjesë regjisorë nga vende të ndryshme të botës. Organizatorët thonë se festivali ka për qëllim të ofrojë mundësi për kineastët e Kosovës që të kontaktojnë e bashkëpunojnë me kolegët e tyre, duke marrë parasysh mundësitë e kufizuara për të udhëtuar në vende dhe festivale të ndryshme në botë, meqë Kosova ende mbetet e izoluar. Po ashtu festivali synon të pasqyrojë një Kosovë tjetër nga e kaluara e saj.