Disa qindra pjesëtarë të ish Ushtrisë Çlirimtare të Kosovës, protestuan në Prishtinë me kërkesat që të përshpejtohet procesi i njohjes dhe verifikimit të statusit të veteranëve, invalidëve, pjesëtarëve dhe të internuarve të kësaj ushtrie.
Ata morën zotimin e autoriteteve për përmbyllje të shpejtë të këtij procesi, zvarritja e të cilit bën të pamundur zbatimin e ligjit që siguron mbështetje për këtë kategori.
Autoritetet thonë se vonesat janë kushtëzuar nga numri i madh i personave që pretendojnë një status të tillë.
