Në Kosovë, qeveria po shqyrton rrugët për kapërcimin e situatës së krijuar pasi nuk arriti të sigurojë miratimin në Parlament të privatizimit të Postë-Telekomit. Ndonëse fituesi i tenderit për shitjen e 75 për qind të aksioneve qe shpallur në pranverën e këtij viti, nënshkrimi i kontratës u shty disa herë meqë koalicioni qeverisës nuk siguroi dot miratimin e privatizimit, ndërsa opozita dështoi në përpjekjet për ngritjen e një komisioni hetues rreth këtij procesi.