Punonjësit portugez filluan sot një grevë të përgjithshme për të protestuar masat e rrepta ekonomike të qeverisë të vendosura nga Bashkimi Evropian.
Dy sindikatat më të mëdha të vendit që përfaqësojnë më shumë se 1 milionë punonjës kanë në plan të zhvillojnë më shumë se 30 protesta. Greva pritet të ndërpresë transportin dhe shërbime të tjera publike, përfshi shkollat dhe spitalet. Disa fluturime ndërkombëtare gjithashtu u anuluan.
Sindikatat u kanë bërë thirrje punonjësve të bëjnë grevë kundër masave që përfshijnë taksa më të larta shkurtimin e ditës së festave dhe bonuseve.