Një gjykatë e Kombeve të Bashkuara filloi gjyqin ndaj katër personave të akuzuar për vrasjen e ish kryeministrit libanez Rafik Hariri në vitin 2005.
Zoti Hariri vdiq kur një furgon me eksplozivë shpërthu në Bejrut, duke vrarë 21 persona dhe plagosur 231 të tjerë.
Gjykata e Posaçme për Libanin filloi gjykimin në Hagë sot, kundër katër anëtarëve të grupit militant Hezbollah, që po gjykohen në mungesë.
Hezbollahu ka mohuar përfshirjen në sulm dhe e dënoi gjykimin si një komplot të Izraelit dhe Shteteve të Bashkuara.
Prokurorët thonë se katër personat ishin pjestarë të komplotit për të vrarë zotin Hariri.