Në Kosovë, ministri i punëve të brendshme Skender Hyseni, tha se Kosova, sikurse edhe vendet tjera, nuk është imune ndaj kërcënimeve terroriste. Por, ai tha se aktualisht institucionet vendase të sigurisë, nuk kanë informacion për ndonjë kërcënim të veçantë. Ministri Hyseni bëri të ditur se aktualisht rreth 100 qytetarë të Kosovës po luftojnë përkrah organizatave terroriste në Lindjen e Mesme ndërsa tha se institucionet e sigurisë janë duke ndërmarrë të gjitha hapat për parandalimin e çdo lloj kërcënimi terrorist.