Lidhje

Rusia, Kina argumentojnë veton ndaj rezolutës për Sirinë


Rusia, Kina argumentojnë veton ndaj rezolutës për Sirinë
Rusia, Kina argumentojnë veton ndaj rezolutës për Sirinë

Rusia dhe Kina kanë mbrojtur veton ndaj rezolutës së Këshillit të Sigurimit të Kombeve të Bashkuara që do të kishte mbështetur planin e Lidhjes Arabe, pra që Presidenti i Sirisë, Bashar al-Asad t’i transferonte pushtetin një zëvendësi të tij, për t’i dhënë fund tazirave në vend.

Qeveria e Rusisë tha dje se i vuri veton rezolutës së mbështetur nga vendet perëndimore dhe ato arabe, të paraqitur një ditë më parë, sepse e pa atë si një ultimatum për heqjen nga posti të Presidentit Asad, aleatit të vetëm ushtarak të Moskës në Lindjen e Mesme. Moska akuzoi mbështetësit e rezolutës se u mungon vullneti politik për të arritur një marrëveshje ndërkombëtare për zgjidhjen e krizës në Siri. 13 nga 15 anëtarët e Këshillit të Sigurimit votuan në favor të rezolutës.

Moska tha gjithashtu se ministri i Jashtëm rus, Sergeri Lavrov, dhe shefi rus i zbulimit, Mikhail Fradkoc do të shkojnë në Siri nesër për t’i bërë thirrje Presidentit Asad të zbatojë me shpejtësi reformat demokratike për të stabilizuar gjendjen.

Kryengritja 11 mujore e opozitës në Siri kundër sundimit autokratik të zotit Asad është kthyer muajt e fundit në një konflikt të hapur mes kryengritësve dhe forcave pro Asadit, pas goditjes me pasoja tragjike të qeverisë kundër protestuesve paqësorë.

Sekretarja amerikane e Shtetit, Hillary Clinton, e quajti veton e Kinës dhe Rusisë një "farsë" dhe u zotua të punojë me vende të tjera për të forcuar sanksionet rajonale dhe kombëtare dhe për të eliminuar burimet e fondeve dhe armëve që e mbajnë gjallë makinën e luftës së regjimit

Ajo bëri dje thirrje që "miqtë e Sirisë demokratike" të kërkojnë t'i jepet fund shtypjes së përgjakshme të protestuesve nga ana e Presidentit Bashar Al-Asad dhe të nxisin një tranzicion politik që do të sillte largimin e tij nga posti.

XS
SM
MD
LG