Politikania konservatore amerikane Sara Pejllin botoi një libër të ri, që është bërë shkak për hamendje se ajo mund të kandidojë për presidente në vitin 2012.
Libri i saj me titull, “Amerika për mendësh”, paraqet pikëpamjet e saj mbi politikën dhe besimin fetar.
Ish guvernatorja e Alaskës dhe kandidate për nënpresidente në zgjedhjet e 2008-s, është bërë një figurë kryesore në lëvizjen konservatore të ashtuquajtur Tea Party.
Zonja Pejllin kritikon ashpër në libër Presidentin Barak Obama, duke thënë se atij i mungon besimi te populli amerikan. Ajo e ka kritikuar vazhdimisht presidentin Obama dhe ka thënë se po shikon mundësinë për t’i bërë atij sfidë në zgjedhjet e vitit 2012.
