Në Kosovë, Presidenti Fatmir Sejdiu kërkoi sot që organet e drejtësisë të veprojnë jashtë ndikimeve politike, meqë kjo është thelbësore për luftën kundër dukurive negative, përfshirë edhe korrupsionin. Komentet e tij u bënë në një periudhë të shtimit të debateve rreth hetimeve që janë duke u zhvilluar nga Misioni i Bashkimit Evropian për policinë e drejtësinë, ndaj zyrtarëve të dyshuar për përfshirje në korrupsion. Presidenti kërkoi që asgjë të mos paragjykohet dhe lufta kundër korrupsionit t'u lihet në duar përgjegjësive për sundimin e ligjit.