Sekretari amerikan i Mbrojtjes Leon Panetta dënoi një video ku tregohen marinsa amerikanë duke urinuar mbi trupat e vdekur të luftëtarëve talebanë.
Zoti Panetta tha sot se videoja e publikuar online është krejtësisht për të ardhur keq.
Forcat e sigurisë së Natos në Afganistan dënuan veprimet në video nga një grup i vogël marinsash amerikanë që nuk shërbejnë më në atë vend.
Presidenti afgan Hamid Karzai tha se qeveria është shumë e shqetësuar dhe i quajti veprimet thjesht jo humane.
Pentagoni tha se po heton kushtet e regjistrimit, por nuk ka asrye për të dyshuar vërtetësinë e saj.
Ndërkohë, një zëdhënës i talebanëve tha se ndërsa videoja është shokuese ajo nuk do të dëmtojë negociatat e paqes me Shtetet e Bashkuara.