Në Kosovë, ekspertët e ekonomisë thonë se viti 2014 është duke i trashëguar disa nga sfidat e rënda më të cilat është përballur ekonomia e Kosovës. Ata nënvizojnë se vendosja e sundimit të ligjit që nënkupton luftën kundër korrupsionit, vazhdimi i përmirësimit të mjedisit të të bërit biznes dhe zbutja e papunësisë e varfërisë janë sfidat që e presin Kosovën e cila po përballet me një ngadalësim të rritjes ekonomike.
