Një dokumentar i ri që po shfaqet këto ditë në Shtetet e Bashkuara, i titulluar “Mann Versus Ford” i kushtohet përpjekjeve të fisit të amerikanëve indigjenë, banorë të Malit Ramapu, rreth 60 kilometra larg Manhatenit në Nju Jork, për të marrë dëmshpërblim nga kompania amerikane prodhimit të makinave, Ford.
Në film thuhet se uzina e ka kthyer qytetin Ridgehood në Nju Jersey, në një nga zonat më të ndotura në Shtetet e Bashkuara.
Filmi ka producent Jamie Redford, djali i aktorit legjendar Robert Redford dhe regjisorë Micah Finc dhe Marto Chermajef. Jamie Redford tha se filmi tregon se sa e vështirë kishte qenë për amerikanët indigjenë për të provuar në gjykatë dëmin dhe ndotjen që i është bërë mjedisit ku ata jetojnë.
