Kompanitë amerikane në korrik punësuan më pak njerëz se ç’ishte parashikuar muajin e kaluar. Megjithatë, Departamenti amerikan i Punës thotë se ekonomia ka shtuar mjaft vende pune në korrik për të ulur nivelin e papunësisë në 7.4 përqind - më i ulti në 4 vjet e gjysmë. Por analistët thonë se raportet e paqarta mbi tregun e punës sugjerojnë një prirje shqetësuese për punonjësit amerikanë.
Ekonomia amerikane shtoi 162 mijë vende të reja pune në korrik, një shifër që është në përputhje me rritjen e ngadaltë por të qëndrueshme të tregut të punës. Pavarësisht nga një rënie prej zero presje 2 përqind të nivelit të papunësisë, shifrat sugjerojnë se punëdhënësit mbeten të kujdesshëm.
Sasia dhe cilësia e vendeve të reja të punës e tregon më qartë këtë. Mark Hamrick është drejtues i Byros së Uashingtonit në Bankrate.com. Ai foli për Zërin e Amerikës përmes Skype-it.
“Numri i orëve të punës nuk është mbresëlënës, niveli i të ardhurat ka rënë, dhe një numër i madh i vendeve të reja të punës në këtë raport janë punë me orar të shkurtuar. Pra, në përgjithësi, cilësia dhe sasia e vendeve të punës ka ngritur shumë pikëpyetje lidhur me gjendjen e tregut të punës”.
Numri i vendeve të reja të punës muajin e kaluar ishte më i ulëti që nga marsi dhe më i ulët se parashikimet për krijimin e rreth 185 mijë vendeve të reja të punës. Në Wall Street reagimet kanë qenë të zbehta. Por analistë të tjerë janë optimistë se tregu i punës do të forcohet në gjysmën e dytë të vitit. Ken Simonson, i Shoqatës Kombëtare për Ekonominë e Biznesit, i referohet sondazhit më të fundit të organizatës së tij.
“Firmat thanë se u treguan të kujdesshme gjatë tremujorit të fundit, dhe ato presin që gjatë gjashtë muajve të ardhshëm të vazhdojnë punësimin në një nivel mjaft të lartë”.
Lajm pozitiv është shtimi i 6 mijë vendeve të reja të punës në sektorin e prodhimit, hera e parë që nga shkurti që kjo industri shton vende të reja pune. Edhe sektorët e shërbimeve profesionale dhe teknologjisë kishin rritje të punësimit.
Një çështje tjetër për të cilën investitorët nuk kanë nevojë të sheqetësohen është ndryshimi i papritur në politikat monetare të bankës qendrore. Analistët thonë se rritja e ngadaltë ekonomike në tremujorin e dytë dhe rritja e vogël e tregut të punës në korrik sugjerojnë se Rezerva Federale nuk ka të ngjarë t’i pakësojë në një të ardhme të afërt blerjet e bonove të thesarit, veprim i cili i ka mbajtur normat afatgjata të interesit në shifrat më të ulëta në histori.
Ekonomia amerikane shtoi 162 mijë vende të reja pune në korrik, një shifër që është në përputhje me rritjen e ngadaltë por të qëndrueshme të tregut të punës. Pavarësisht nga një rënie prej zero presje 2 përqind të nivelit të papunësisë, shifrat sugjerojnë se punëdhënësit mbeten të kujdesshëm.
Sasia dhe cilësia e vendeve të reja të punës e tregon më qartë këtë. Mark Hamrick është drejtues i Byros së Uashingtonit në Bankrate.com. Ai foli për Zërin e Amerikës përmes Skype-it.
“Numri i orëve të punës nuk është mbresëlënës, niveli i të ardhurat ka rënë, dhe një numër i madh i vendeve të reja të punës në këtë raport janë punë me orar të shkurtuar. Pra, në përgjithësi, cilësia dhe sasia e vendeve të punës ka ngritur shumë pikëpyetje lidhur me gjendjen e tregut të punës”.
Numri i vendeve të reja të punës muajin e kaluar ishte më i ulëti që nga marsi dhe më i ulët se parashikimet për krijimin e rreth 185 mijë vendeve të reja të punës. Në Wall Street reagimet kanë qenë të zbehta. Por analistë të tjerë janë optimistë se tregu i punës do të forcohet në gjysmën e dytë të vitit. Ken Simonson, i Shoqatës Kombëtare për Ekonominë e Biznesit, i referohet sondazhit më të fundit të organizatës së tij.
“Firmat thanë se u treguan të kujdesshme gjatë tremujorit të fundit, dhe ato presin që gjatë gjashtë muajve të ardhshëm të vazhdojnë punësimin në një nivel mjaft të lartë”.
Lajm pozitiv është shtimi i 6 mijë vendeve të reja të punës në sektorin e prodhimit, hera e parë që nga shkurti që kjo industri shton vende të reja pune. Edhe sektorët e shërbimeve profesionale dhe teknologjisë kishin rritje të punësimit.
Një çështje tjetër për të cilën investitorët nuk kanë nevojë të sheqetësohen është ndryshimi i papritur në politikat monetare të bankës qendrore. Analistët thonë se rritja e ngadaltë ekonomike në tremujorin e dytë dhe rritja e vogël e tregut të punës në korrik sugjerojnë se Rezerva Federale nuk ka të ngjarë t’i pakësojë në një të ardhme të afërt blerjet e bonove të thesarit, veprim i cili i ka mbajtur normat afatgjata të interesit në shifrat më të ulëta në histori.