Shkodër: Spital i ri për sëmundjet mendore

U përurua sot në qytetin e Shkodrës një spital i ri për të sëmurët mendor si dhe skaneri i parë i teknologjisë së lartë. Në ceremoninë e përurimit merrte pjesë edhe Kryetarja e Parlamentit të Shqipërisë, Jozefina Topalli, e cila vlerësoi investimet që po realizohen për modernizimin e shëndetësisë shqiptare. Spitali Rajonal i Shkodrës mbulon nevojat e zonës veriore të Shqipërisë dhe aktualisht, është në fazën përfundimtare të ristrukturimit sipas masterplanit të financuar nga Banka Botërore dhe Qeveria shqiptare.