Një numër organizatash mjedisore në Shqipëri kanë nisur fushatën kombëtare "Vepro Tani", e cila synon nxitjen e pjesëmarrjes së publikut në problemet mjedisore. Pjesë e kësaj fushate është edhe Qendra mjedisore Arhus, e ngritur vitet e fundit në Shkodër me mbështetjen e OSBE-së. Në pikën turistike të Shirokës, buzë Liqenit të Shkodres, kjo qendër organizoi nje takim publik mbi problematikën e menaxhimit të mbetjeve urbane në zonën e bregut të Liqenit.