Siri, forcat të shumta të sigurisë të dislokuara në një lagje të tensionuar të Damaskut

Forcat të shumta siriane të sigurisë janë dislokuar në një lagje të tensionuar të Damaskut, për të parandaluar një përsëritje të njërës prej protestave më masive anti-qeveritare në kryeqytet, ndërsa dhuna vazhdoi në pjesë të tjera të vendit.

Aktivistët thanë sot se policia detyroi familjen e një protestuesi të ri që u vra një ditë më parë gjatë një proteste masive, që ta varrosnin më parë nga ç’kishin planifikuar mesa duket në një përpjekje për të parandaluar mbajtjen e demonstratave të tjera.

Ata thanë se forcat e sigurisë dhe milicët pro-qeveritarë të njohur si “Shabiha” rrethuan funeralin e Samer al-Khatibit, varrimi i të cilit u shoqërua me qetësi, ndryshe nga funeralet e djeshme kur mijëra protestues morën pjesë në një procesion për disa persona të vrarë një ditë më parë nga forcat e qeverisë.