Dëshmitarët në Siri thonë se trupat qeveritare kanë sulmuar kundërshtarët e qeverisë në qytetin Homs sërish ditën e sotme, mbasi të paktën 31 persona u vranë gjatë përleshjeve të djeshme në të gjithë vendin.
Grupi Vëzhguesi sirian për të drejtat e Njeriut me bazë në Londër tha se 14 nga të vrarët e djeshëm ishin civilë, mes tyre 7 të qëlluar nga forcat qeveritare të sigurisë në rajonin Homs.
Grupi tha se pjestarë të forcave të sigurisë vdiqën si pasojë e përleshjeve mes ushtarëve dezertorë dhe forcave të qeverisë.
Banorë të Homsit thanë sot se kishin parë makina ushtarake që të sillnin trupa në qytetin e tyre.
Zyra e Kombeve të Bashkuara për të drejta e njeriut thotë se më shumë se 2,900 njerëz kanë vdekur në lëvizjen anti qeveritare në Siri, e cila ka hyrë në muajin e shtatë.
Ministri i jashtëm i Sirisë ka kërcënuar me “masa të ashpra” ndaj çdo vendi që njeh një këshill të formuar nga opozita. Por sot, Bashkimi Evropian ka mirëpritur krijimin e këshillit opozitar, duke thënë se “ky është një hap pozitiv përpara”.