Ambasadorët e Shteteve të Bashkuara dhe të Bashkimit Evropian në Shkup pritet që nesër të bëjnë të ditura vlerësimet nëse janë krijuar kushtet për mbajtjen e zgjedhjeve të planifikuara për më 24 prill në Maqedoni. Aktualisht, opozita maqedonase e drejtuar nga Lidhja Social Demokrate është kundër kësaj date, ndërsa partitë më të mëdha shqiptare presin vlerësimin, apo një konsensus politik lidhur me datën.
