Lidhje

Spanjë, Vazhdojnë tensionet lidhur me arrestimet


Ndalimi nga Spanja i nëntë udhëheqësve separatistë të Katalonjës vazhdon të ushqejë tensione përpara mbajtjes së proceseve gjyqësore ndaj tyre lidhur me akuzat për rebelim.

Të pandehurit u ndaluan nën akuzat për organizimin e një referendumi për pavarësinë e rajonit tetorin e vitit të kaluar, të cilin qeveria spanjolle e konsideron të paligjshëm.

Kryeministri i Spanjës Mariano Rajoy kishte shpresuar se marrja nën kontroll e Katalonjës mund ta qetësonte situatën, duke shpërndarë qeverinë pro-pavarësisë dhe duke mbajtur zgjedhjet rajonale në dhjetor.

Të dielën, qindra mijëra protestues dolën në rrugët e Barcelonës duke kërkuar lirimin e të akuzuarve.

Nëse gjykohen dhe dënohen, të nëntë udhëheqësit separatistë mund të përballen me dënime me deri në 30 vjet burg. Data e gjykimit nuk është caktuar ende.

Facebook Forum

XS
SM
MD
LG