Në Kosovë janë shtuar debatet rreth ngritjes së Gjykatës së Posaçme që do të trajtojë pretendimet për përfshirje të pjesëtarëve të ish Ushtrisë Çlirimtare të Kosovës në krime lufte. Ngritja e kësaj gjykate që duhet të votohet në parlamentin e Kosovës, ka nxitur shume reagime, ndërsa diplomatët dhe analistët kanë tërhequr vërejtjen se dështimi i mundshëm i parlamentit që të votojë ngritjen e saj do të shkaktonte pasoja për proceset integruese të Kosovës.