Zyrtarët afgan thanë se katër sulmues vetëvrasës të armatosur rëndë, sulmuan ambasadën e Irakut në Kabul, por nuk dhanë më shumë hollësi.
Grupi militant, Shteti Islamik, përmes agjencisë së tij Amaq, mori përgjegjësinë për sulmin.
Ministria e Brendshme afgane tha se përleshjet kanë vazhduar, por forcat e sigurisë kanë arritur të shpëtojnë personelin diplomatik. Nuk kishte njoftime të menjëhershme nëse ka pasur viktima.
Ministria tha se njëri nga sulmuesit hodhi veten në erë në hyrjen kryesore duke u hapur rrugën të tjerëve që të hyjnë brenda ambasadës.
Sulmet e militantëve kanë marrë jetën e një numri të madh të civilëve në Kabul gjatë këtij viti.
Misioni i ndihmës i OKB-së në Afganistan ka dokumentuar vdekjen e mbi 1 mijë e 600 civilëve që nga një janari deri më 30 qershor, ndërsa vetëm në Kabul kanë humbur jetën 20 për qind e tyre.
Kryengritësit talibanë dhe militantët besnikë të IS-it, kanë marrë përsipër përgjegjësinë për dhunën në Afganistan.
Facebook Forum