Në Kosovë, qeveria tha se kompania amerikane Contour Global, do të ndërtojë termocentralin e ri me kapacitet prodhues 500 megavatë në orë energji elektrike. Ky termocentral do të kushtojë një miliardë euro. Një investim i tillë do të zgjidhte një nga sfidat më të mëdha në Kosovën e pasluftës. Por, projekti po kundërshtohet nga disa organizata të shoqërisë civile. Ata thonë se nga ky projekt do të ketë rritje të çmimit të energjisë elektrike dhe se termocentrali i ri do të shkaktojë ndotje të mjedisit nga djegia e linjitit.
