Tre astronautë zbritën sot me kapsulën ruse Sojuz në aerodromin e Kazakistanit, të mbuluar nga bora. Ata kaluan më tepër se 5 muaj në Stacionin Ndërkombëtar të Hapësirës.
Amerikani Mike Fossum, japonezi Satoshi Furukawa dhe rusi Sergei Volkov u nisën dje nga Stacioni i Hapësirës, 5 ditë pasi atje mbërritën zëvendësuesit e tyre. Të tre astronautët njoftohet se janë në gjendje të mirë shëndetësore, pasi kaluan 165 ditë në hapësirë.
Kapsula ruse Sojuz është i vetmi mjet që transporton astronautë në hapësirë që kur Shtetet e Bashkuara i nxorën jashtë përdorimit anijet e vjetëruara të hapësirës në korrik të këtij viti.