Lidhje

Irak, kryengritësit përparojnë drejt Bagdatit


Kryengritësit islamikë përparuan drejt Bagdatit pasi morën kontrollin e një territori më të gjerë vetëm 90 kilometra në veri të kryeqytetit irakian.

Në sulme të shpejta, luftëtarët nga Shteti Islamik Musliman Suni i Irakut dhe Levantit kanë marrë nën kontroll pjesën më të madhe të veriut të vendit. New sulmin më të fundit ata morën qytetin Dhuluiyah.

Një zëdhënës i rebelëve që kërkojnë vendosjen e një qeverie islamike, u zotua të vazhdojnë marshimin drejt Bagdatit dhe Kerbalës. Ky është qyteti në jugperëndim të Bagdatit dhe një nga vendet më të shenjta për muslimanët shiitë.

Ndërkohë, luftëtarët Peshmerga, forcat e sigurisë në në rajonin autonom kurd në veri, morën nën kontroll një bazë ajrore dhe objekte të tjera ushtarake të braktisura nga forcat qeveritare në qytetin e Kirkukut të pasur me naftë.

Presidenti Barak Obama, i cili i dha fund në vitin 2011 luftës amerikane në Irak, tha se Iraku do të ketë nevojë për ndihma të tjera amerikane dhe nuk duhet përjashtuar asnjë alternativë.
XS
SM
MD
LG