Varroset Stiv Xhobs me një ceremoni të thjeshtë

Gazeta Wall Street Journal njofton se familja dhe miqtë e themeluesit të firmës Apple, Stiv Xhobs, mbajtën sot një ceremoni të vogël varrimi për njeriun e tyre legjendar.

Gazeta citon një burim anonim për njoftimin e saj. Ajo tha se burimi nuk dëshironte të përmendte se kur dhe ku u bë varrimi, në shenjë respekti për zotin Xhobs dhe privatësinë e familjes së tij.

Kompania e themeluar prej tij, Apple Inc, ka thënë se për zotin Xhobs nuk do të ketë ceremoni publike, Xhobs vdiq të mërkurën pas një beteje të gjatë me kancerin e pankreasit.

Punonjësit e firmës Apple pritet të zhvillojnë një takim në përkujtim të asaj që shefi i ekzekutiv i kompanisë, Tim Kuk e ka quajtur “jetë e jashtëzakonshme e zotit Stiv Xhobs”.