Vëzhguesit ndërkombëtarë i vlerësuan zgjedhjet e djeshme parlamentare në Maqedoni si pozitive ku votuesit ishin të lirë të bënin zgjedhjen e tyre. Zyra e Institucioneve Demokratike dhe e Drejtave të Njeriut pranë OSBE-së (ODIHR) do të publikojë një raport të hollësishëm pas dy muajsh. Ndërkohë Komisioni Shtetëror i Zgjedhjeve i shpalli rezultatet e para dhe jozyrtare të zgjedhjeve të cilat i fitoi partia konservatore maqedonase VMRO-DPMNE.