Ekspertë të së drejtës ndërkombëtare thanë sot në Prishtinë, se beteja për njohjen e pavarësisë së Kosovës do të vazhdojë edhe pas vendimit të Gjykatës Ndërkombëtare të Drejtësisë. Profesorë të së drejtës ndërkombëtare nga Universitetet e njohura në Evropë dhe Shtetet e Bashkuara, thanë se shteti i Kosovës pavarësisht vendimit të Gjykatës nuk do të zhbëhet, siç nuk do të zhbëhen as edhe njohjet e deritashme nga 69 vende të botës.