Vitet e fundit, nga zona veriore e Shqipërisë janë larguar shumë të rinj për shkak të infrastrukturës malore të dëmtuar, nivelit të lartë të papunësisë dhe vështirësive ekonomike. Por, në disa zona, siç është ajo e Tamarës, në njësinë administrative të Kelmendit, një pjesë e të rinjve po rikthehen me projekte zhvillimi, mundësuar nga infrastruktura e përmirësuar dhe mbështetja e programeve të donatorëve të huaj.
