Në Maqedoni, deputeti Zulfi Adili, i cili u largua nga radhët e Bashkimit Demokratik për Integrim, ka marrë një nismë për formimin e një partie të re, në krye të së cilës do të vihet një tjetër ish-zyrtar i lartë i BDI-së, Gëzim Ostreni, ish-komandant i Ushrtisë Çlirimtare Kombëtare në Maqedoni. Deputeti Adili tha për Zërin e Amerikës se arësyeja për këtë vendim është shkelja nga ana e drejtuesve të BDI-së, të parimeve për barazinë e qytetarëve, për çka partia ishte zotuar në zgjedhjet e fundit parlamentare.