Presidenti Barack Obama po viziton Nju Jorkun për të parë përpjekjet qytetit në mëkëmbjen nga uragani Sandy.
Stuhia shkatërroi lagjet në brigjet e qytetit në fund të tetorit, duke lënë miliona banorë pa shtëpi apo pa energji elektrike për gati tre javë mes temperaturave të ulta.
Stuhia e fuqishme që goditi Bregun Lindor vetëm disa ditë para zgjedhjeve presidenciale, ka rindezur debatin e ndryshimeve klimatike, që disa vëzhgues thonë se ka filluar të shkaktojë stuhi të dhunshme si Sandy. Megjithëse nuk e bëri një lidhje të tij, zoti Obama u tha gazetarëve dje në Shtëpinë e Bardhë se nuk ka dyshim për ndryshimet klimatike dhe efektet e tyre mbi ambjentin.
Një tentative për të miratuar një projektligj që do të kufizonte emetimin e dioksidit të karbonit dështoi në kongres gjatë mandatit të parë të presidentit. Por zoti Obama premtoi ta shtrojë përsëri këtë çështje gjatë mandatit të tij të dytë.
Presidenti do të shikojë nga afër përpjekjet e qytetit në mëkëmbjen nga uragani Sandy