Ditari - SHBA/BE, thirrje për themelimin e asociacionit të komunave me shumicë serbe

Të dërguarit amerikanë dhe evropianë thanë në përfundim të vizitave në Prishtinë dhe në Beograd se propozimi evropian për normalizimin e marrëdhënieve ndërmjet dy vendeve, është rruga më e mirë për një paqe të qëndrueshme duke shtuar se Kosova dhe Serbia duhet të shfrytëzojnë mundësinë që ai ofron. Në Tiranë, familjarë të viktimave dhe përfaqësues të partisë socialiste në pushtet nderuan sot në shëtitoren Dëshmorët e Kombit 4 protestuesit e vrarë, 12 vjet më parë, gjatë një demonstrate të organizuar nga opozita e atëhershme. Kryeministri Edi Rama kërkoi drejtësi mbi çështjen, ndërsa ish-kryeministri Sali Berisha tha se zoti Rama kontrollon sot të gjitha pushtetet. Në pritje të një vendimi të Gjermanisë për të dërguar tanke, Ukraina do të nisë stërvitjen me tanke të prodhimit gjerman në Poloni.