Ditari - Nju Jork, Donald Trump përballet me procesin e parë penal gjyqësor ndaj një ish-presidenti

Nisi sot në Nju Jork përzgjedhja e jurisë në procesin gjyqësor ndaj ish-Presidentit Donald Trump, nën akuzat për falsifikim e të dhënave të biznesit me qëllimin për të fshehur pagesat për të siguruar heshtjen e aktores së filmave për të rritur Stormy Daniels. Presidenti Joe Biden do të shkojë në Pensilvani në kuadër të fushatës, ku tematika kryesore pritet të jetë ekonomia. Në Kosovë po mbahet Forumi për Gratë, Paqen dhe Sigurinë, që po përqendrohet tek dhuna seksuale në konflikte dhe siguria klimatike. Forumit iu drejtua me një video-mesazh edhe ish-sekretarja amerikane e Shtetit Hillary Clinton. Intervistë me Rigels Xhemollarin, drejtues i lëvizjes “Qëndresa Qytetare” në Shqipëri. Ai thotë se shoqëria civile po vepron në një terren përherë e më të ashpër, duke u penguar të depërtojë në politikat vendimarrëse, të cilat diktohen sipas tij nga interesa politike dhe ekonomike.