Veseli: Kosova dhe SHBA të mos kenë qëndrime të ndryshme përballë Serbisë

Kryetari i parlamentit të Kosovës, Kadri Veseli tha të hënën se tarifat ndaj mallrave serbe do të qëndrojnë por kërkoi sërish pezullimin e tyre për të ruajtur partneritetin me Shtetet e Bashkuara. Komentet e tij pasojnë ndasitë brenda koalicionit qeverisës dhe udhëheqësve të institucioneve për mënyrën e qasjes ndaj kërkesave amerikane për pezullimin e tarifave si veprim për të rimëkëmbur procesin e bisedimeve Kosovë – Serbi.