Naftëtarët e Ballshit i janë rikthyer grevës së urisë për të kërkuar pagat e prapambetura dhe rifillimin e punës në Rafineri. Kreu i sindikatës Sokol Dautaj thotë se jane 10 naftëtare në grevë që përfqësojnë 900 punëtorët e uzinës.
Zoti Dautaj thotë më tej se naftëtarët për një periudhë të gjatë kanë zhvilluar protesta të vazhdueshme per te kërkuar pagat e prapambetura.
Zoti Dautaj thotë se shpresojnë tek ndërhyrja e Kryeministrit Rama pasi deri tanë institucionet e tjera nuk i janë përgjigjur kërkesave të naftëtarëve për takime.
Xheviti, një nga naftëtarët që është futur në grevë urie thotë se ka 26 paga pa marrë dhe si ai janë edhe naftëtarët e tjerë. Ai thotë se po e mban familjen me borxhe ndërkohë që dy fëmijët e tij nuk kanë të ardhura për të vijuar shkollën.
Mes naftëtarëve në grevë urie është edhe Muharrem Goxhaj , i stacionit të ujit dhe energjisë të Pocemit që varet nga Rafineria. Ai thotë se edhe punëtorët e kësaj ndërmarrje kanë paga të prapambetura. Rafineria e Ballshit u mor në administrim në mars të vitit 2018 nga kompanitë “Tosk Energji” dhe “Bylis Energji”, të cilat janë regjistruar në parajsat fiskale. Por tetorin e vitit të shkuar rafineria e ndërpreu aktivitetin Përfaqësuesit e kompanisë Bylis Energji” e lidhën ndërprerjen me mungesën e naftës bruto që sigurohej nga kompania "Bankers Petrolium" , ndërsa kjo e fundit tha se kompania “Bylys energji” nuk kishte lëshuar garancitë financiare për vijimin e kontratës.
Ligjërisht Rafineria e Ballshit përket kompanisë “Armo”, e cila e ka 85% të aksioneve ndërsa 15 % i përkaisn shtetit shqipatr. Kompania “Armo” është e zhytur në borxhe ka një seri sekuestrosh nga kreditorët e saj.
Nga viti 2013 deri dhe më pas, asetet e ARMO-s perfshi rafinerinë e Ballshit dhe të Fierit janë dhënë me qira tek kompani ofshore të cilat e kanë rivënë në punë uzinën por pas bllokimit të aktivitetit kanë lënë pas borxhe të reja dhe paga të prapambetura për qindra punëtorët.
Facebook Forum